12 novembro 2007

Angirû, amiga guarani

Pois vou falar desas amigas. Unha delas vive en Paraguay e chámase Perla Alvarez Britez. Perla tamén naceu en maio do 71. Tamén ten fillos. Tamén vive nun pais bilingüe, pero non de realismo máxico precisamente, senon nun pais onde seus amigos e compañeiros campesinos son asesinados, onde se plantan cultivos extensivos vulnerando todos os dereitos, onde poucas familias son as donas dun pais cunha gran masa de poboación pobre pero con recursos mal explotados como a auga do acuífero guarani, un pais cheo de mafias e corrupción. Pero tamén un pais diverso, que non quere afogarse. Por eso, Perla tamén corre polo mundo a falar dos problemas da súa xente, e a petición de recoñecimento dos seus dereitos económicos, medio ambientais, sociais, culturais e linguísticos. Foi por esto que coincidimos. Ela presentoúseme en Montevideo, nunha reunión na que buscaban apoio internacional decindo, "venimos a hablar con usted porque nos han dicho aqui que también es pueblo".


Ai empezou unha estreita relación co Movimento Campesino Paraguaio, do que ela forma parte xunto con outros queridos compañeiros como Belarmino, do que falarei outro dia, que me levaron a falar de Paraguay, por petición de ambos e compromiso co que defenden, por onde pase. Porque Paraguay, é un pais sen prensa, un pais descoñecido onde van celebrarse unhas decisivas eleccións en 2008, que esperemos lle den a Presidencia ao candidato progresista das forzas sociales e de esquerda Fernando Lugo. Nuns meses, tamén Paraguay pode ter voz de seu, nunha América Latina que aparenta dia a dia e en lugares diferentes xa non cala a ninguén.

Perla traballa en moitos lugares á vez. Educa, informa, recolle, apoia, milita, coordina, xestiona, vende, merca, escribe. En Paraguay precísanse moitos traballos para sobrevivir. Onde máis tempo pasa, é aqui, promovendo neste colectivo as campañas a nivel internacional como a de que a lingua guarani, lingua cooficial de Paraguay, sexa lingua oficial do Mercosur. Coma nós, nunha instancia semellante de integración rexional como é o Parlamento Europeo.

As amigas guarani e galega falaron o sábado, antes de que Perla collera un avión, para ir aqui.


E nunha semana tamén irá a Galiza. E xa falará ela directamente. Como pueblo que é.

5 Comments:

Blogger Suso Lista said...

Se te lee, Federiquín Digital, deciriache, que que sorte teñen os Paraguayos vivir nun país democratico, e non en Cuba ou no Inferno que é Venezuela gobernado polo demo. Paraguay, donde o 90% da terra pertenece o 1% da población. Saluda a Perla e bicos pra ti.

10:43 da tarde  
Blogger adam brown said...

look this is the "diet" i told you about you should really enter the site :) bye enter the site

11:49 da manhã  
Blogger X said...

Feliz 2008.

1:42 da tarde  
Blogger tangaranho said...

De Praguay e da brutal repressom que sofre lá o movimento camponês tenho escuitado falar e tenho lido também. pois a ver se é certo que as cousas vam mudando por lá...

5:34 da tarde  
Blogger 日月神教-向左使 said...

Este comentário foi removido por um administrador do blogue.

3:10 da manhã  

Enviar um comentário

<< Home


Estadisticas de visitas